Skepper

Ek't U gaan soek op die bergtoppe,
U naam geskreeu, dit het ge-eggo,
maar ek het U nie gehoor nie.

In riviere en valleie het ek passievol gedans op die maat van U hartklop,
maar ek het U nie gevoel nie.

Ek het U gaan soek tussen konings en adelikes,
tussen volmaaktes en gode, maar ek het U nie gekry nie.

Op een koue, vaal herfsoggend het ek U gevind tussen verrotte blare,
my liggaam verlate, verward en alleen.
U oe het heling gebring terwyl U liggaam stukkend was.

U het my siel gevat en dit gewas in die kom van liefde en genade.
U het my volkome genees van weet
en my gevul met wees.

Amen amen.