Spieëlbeeld

Terwyl ek vir jou sit en wag, stap die dae in tiene verby.

Ek bondel hulle in groepies van vyf en sien skielik hoe 30jaar in die hoek sit en lag.

Ek nooi toe maar die bondel jare vir 'n ou koppie Nescafe koffie. Ons kuier oor ditjies en datjies, oor verlede en hede, maar niemand rep 'n woord oor die toestand van die toekoms nie. Nee, dis mos verbode praat die, want wie weet nou eintlik.

Ons lag binnensmond oor die geraamtes van gister en die spoke van morê. Jy groet verleë en sê jy sien my weer oor tien jaar, dalk is ons dan drie!!!